Tiranë, 23 mars – Zëvendëskryeministri i parë dhe ministër për Sistem politik dhe marrdhënie midis bashkësive, z. Artan Grubi në Tiranë është takuar edhe me shefin e grupit parlamentar të PS-së, Taulant Balla.
Të dy bashkëbiseduesit kanë diskutuar mbi procesin e Regjistrimit që po zhvillohet në Republikën e Maqedonisë së Veriut e që momentalisht vetëm në diasporë, derisa Grubi dhe Balla kanë shfrytëzuar këtë mundësi që të lëshojnë apelin e tyre drejtë diasporës që të regjistrohen në numër sa më të madh pasiqë vetëm kështu i bëjnë nderë të qenurit shqiptarë.
“Kisha kënqësinë të takoj z. Balla, në mënyrë që të përcjellim mesazhin për regjistrim të diasporës që po zhvillohet pas 20 viteve të plota dhe ju e dini se të drejtat e shqiptarëve tek ne janë të përfaqëusara nga përqindja e përfaqësimit përfshirë këtu përdorimin e gjuhës, flamurit, zhvillimin ekonomik e të gjitha varen nga numrat që si proces do të përfundojë më 21 prill, jam i entuziazmuar nga pritja e të gjithë liderëve këtu bashkë edhe me z. Balla dhe pres që këto apele të rezultojnë me sukses, njëkohësisht falenderoj pëe mbështetjen që na japin në proceset e rëndësishme të RMV dhe gjitha institucionet e vendit duke luajtur rol kyç, jemi bashkë në rrugëtimin drejtë BE-së dhe shpresoj që me pëprjekjet tona të përbashkëta ju me zgjedhjet dhe ne duke mbyllur kontestin me Bullgarinë të na hapet dera në BE që në qershor të këtij viti, dua të shpreh mirënjohje për ndihmesën e Ballës, Ramës, Ruçit dhe liderëve të opozitës për ecurinë në rrugën euroatlantike”, është shprehur kështu Grubi pas takimit me Ballën.
Në ndërkohë në anën tjetër z. Balla është shprehur se shqiptarët duhet t’i bëjnë nderë vetes duke u regjistruar.
“Shqiptarët që jetojnë në çdo cep të botës të regjistrohen në faqen zyrtare për regjistrim e kështu duhet të akcesojë çdo qytetarë shqiptarë sepse kështu i bëjmë nderë të qenurit shqiptarë dhe në organet e përfaqësimit atje dhe dua të theksoj se aktualisht shqiptarët në RMV kanë dhe përfaqësimin më të lartë historik përfshirë këtu kryetarin e Parlamentit dhe zëvendëskryeministrin e parë si dhe ministrat e BDI-së, gjithmonë është kënaqësi të presim përfaqësues shqiptarë nga RMV”, është shprehur kështu Balla pas takimit me Grubin.
